Thursday, February 10, 2011

වැලන්ට්යින් සමරන්න වැලේ වැල් නැතුව බලා ඉන්න අපේ ඇත්තො ..




Saint's Valentine Day එහෙමත් නැතිනම් අපේ විදියට ආදරවන්තයින්ගේ දවස (පෙබරවාරි 14), මේ දිනයත් එක්ක සම්බන්ධකම් තිබ්බෙ ගොඩක්ම කතෝලික ඇත්තන්ගෙ. හැබැයි දැන් වෙනකොට ජාති ආගම් බේද නැතුව හැම රටකම, හැම සංස්කෘතියකම මුල් බැහැපු සංකල්පයක් වෙලා. මම අහල තියෙන විදියට නම් 1969 දි 6 වන පාප්තුමා විසින් වැලන්ටයින් දිනය රෝමානු කැලැන්ඩරයෙන් මකා දැම්මලු. හැබැයි ඉතින් මේ දවස තහනම් කලා කියන එක නෙවේ ඒකෙ අදහස. වැලන්ට්යින්  දවස තියෙන්නෙ ආදරේ කරන අයට ඒ ආදරේ එකිනෙකාට ප්‍රකාශ කරන්නලුනේ.

මම දන්න තරම් අතීතයට ගියොත් ඒ දවස්වල  ඉඳල අදාරේ ප්‍රකාශ කරන දවසට මල් පොකුරක්, තෑග්ගක්, සුභ පැතුම් පතක්, චොක්ලට් වගෙ දේවල්නේ ගොඩක් විට මේකට යොදා ගත්තේ, සමරන ක්‍රම වේදය පිළිබඳව ගැටළුකාරි තත්වයක් තිබුනත් කියන්න හදන්නෙ මේකයි, ඉස්සර නම් බොහෝවිට තමන්ම මේ දේවල් හදන්න පෙළඹිලා හිටියට ( චොක්ලට් හැර) , දැන් මේ හැම දෙයක්ම වාණිජකරණය වෙලා එහෙම බැලුවම ආදරවන්තයින්ගේ දවස වැඩියෙන්ම වටින්නේ කාටද ??..

අද තියෙන තරඟකාරිත්වය හින්දම ආදරේ වගේම අම්මා තාත්තත්, දරුවනුත් වෙන වෙනම දවස් වලට සීමා වෙලා, ඇත්තටම මම නම් හිතන්නේ සීමා කරගෙන. එකෙන් වැඩිම වාසිය තියෙන්නේ වෙළෙඳ මහතුන්ට කියලයි මට හිතෙන්නෙ.මම ලිපිය පටන් ගත්තේ " වැලන්ට්යින් සමරන්න්න වැලේ වැල් නැතුව බලා ඉන්න අපෙ ඇත්තන්ට .." ඔන්න ඔහොමනේ, මං මෙහෙම කිව්වේ පවතින ආර්ථික තත්වයත් එක්ක සුභ පැතුම් පතක්, තෑග්ගක් දෙනව කියන්නේ හැමෝටම කරන්න බැරි දෙයක් නිසා.. ( ඉතින් එහෙම ඇත්තන්ට වගේම ඇත්තටම ආදරේ කරන විඳින අයට ඒ ආදරේ ප්‍රකාශ කරන්න තියෙන හොඳම විදිය තමන්ගෙම අතින් හදපු දෙයක් සමරුවක් විදියට දෙන එක.  ලාභදායි වගේම වටිනාකමෙන් වැඩි දෙයක් දෙයක් දෙන්න හැමෝම කැමතියි නිසයි මගේ මේ අදහසත් මෙතෙනට ඇමිණුවේ )

තවත් දෙයක් තියනව සමහර පිරිස් වැලන්ටයින් කියන සංකල්පයට වගේම එක සමරන එකටත් අකමැති, සමහර අයෙක් කැමතියි. හරිහැටි වෙලාවක් නැති කාර්යබහුල අයට මෙහෙම දවසක් තියෙන එකේ වැදගත්කමක් ඇති. හැබැයි මම හිතන්නේ ආදරේදි හැමදාම වැලන්ටයින් තියෙන්න ඔනේ ..වැලන්ටයින් දවසට සීමා වෙලා ඒ දවසට විතරක් ආදරේ පෙන්නල වැඩක් නැහැ කියලයි..

7 comments:

  1. ඒකත් එහෙමද ??

    ReplyDelete
  2. :) ... anthima tikata nam man 100%k ekagai ..

    ReplyDelete
  3. මමත් මේ කියන දේට එකඟයි.

    ReplyDelete
  4. :) හද පිරි ස්තූතිය ...

    ReplyDelete
  5. ආදරේ හැමදාම තියෙන්ඩ ඕන... ඒත් හැමදාම කිවුවාම තේරෙන්නෙ නැති නම්...

    ReplyDelete
  6. ආදරේ තේරුම් ගන්න දෙන්න..තේරුම් කරන්න යන එකට වඩා ඒක සර්ථක වේවි..

    ReplyDelete