Monday, July 4, 2011

කඳුළු පෙණ ........














සුළං දිය රැල් බදා
ගෙනත් ගොඩ බිම කරා
ගල් බැම්මේ අත අරියි
කඳුළු පෙණ විසුරුවා ..

නුඹත් ඒ සුළඟමයි
මතක දිය රැල් ගෙනැත්
හද ඉවුරෙ හප්පවා
දෙනෙත් කඳුලින් තෙමයි ..

Sunday, July 3, 2011

එනතුරා........

























එකම එක දවසකට
නුඹ ඇවිත් යනවාද
පෙර දවස හමුවූ
ඒ ඇහැළ ගහ යටට ...

කහ පාට මල් පොකුරු
පෙති සුළඟේ සල සලා
තවත් ඇති මඟ බලන්
අපි යළිත් එනතුරා ...

Friday, July 1, 2011

චන්ද කින්නරි ...




















ඉන්ද්‍රඛීලය වගෙයි නුඹෙ පෙම
නොසැලෙනා මගෙ හදවතේ
අසෙනි වැසි සැඩ සුළං ආවත්
ලංව ඉමු අපි මේ ලෙසේ..
නුඹ නමින් පාරමී පුරනා
චන්ද කින්නරි මා නුඹේ
සසර මතුදා එක්ව එන්නෙමි
නිවී සැනසෙන තුරු ලොවේ ..