අහිංසක කුමාරි ...

අහිංසක හදවතට
දිනෙන් දින විඩා දී
ටිකෙන් ටික තරු ඇවිත්
ඇගෙ ලොවම දවාවි
අඳුරු වූ ඇගෙ ලොවට
එළිය සේ ලඟාවී
දවන සැටි පුදුමයකි
අහිංසක කුමාරි ...

~ හති ~

සතර අතටම
මගේ සතුටට
නැඟුනු බාධක බිඳ හෙලා ,
හති වැටී මම හඬා වැළපෙමි
තවත් සිත දිරි නැති නිසා ..

~~ බීරි වූ මට ~~

මගේ හිත් පෙට්ටගමේ
දුකම කුරුටු ගෑ පොතක් ඇත
නිති සිරකර තැබූවත්
අඟුලු බිඳ දා
විටක එයි එළි පහළියට
මහ හඬින් හද දෙපළු කරගෙන,
වීනාව වයයි
තොර තෝංචියක් නැතුවම ..

හිරු පතමින්

මුළු රැය නිහඬයි
පාළුව රජයයි
සඳ පායා ඇත
එනමුත් අඳුරුයි ..
මා සිත සසලයි
කඳුලැලි වගුරයි
හිරු පතමින් සිත
සඳු ලඟ සැනසෙයි ..

හදවත ගැස්සෙයි

නුඹ නෙතු අස්සේ

සැඟවුනු රහසට

ඉව වැටිලා ...

පිබිදී නින්දෙන්

බලාන උන්නා

එනතුරු නුඹ 

හදවත සපුරා ..

සිත මගේ සද්දෙන් 

හැඬුවා මතකයි

ඇයි තව නාවේ 

නුඹ කියලා ...